Բացում եք դուռը՝ լամպը չի վառվում, ներսը տաք է, և տանը լրիվ լռություն։ Սառնարանը մարած է։
Լավ նորությունն այն է, որ նման դեպքերի զգալի մասը ամենևին սառնարանի մեջ չէ։ Այնպես որ մինչև զանգելը՝ 10 րոպե ստուգում։ Իսկ եթե պատճառը իրոք սառնարանում է, ներքևի ցանկը կօգնի ձեզ հասկանալ՝ ինչի մասին է խոսքը, և ինչ արժե։
5 րոպեի ինքնուրույն ստուգում
1. Վարդակը։ Հանեք սառնարանի հաստոցը և նույն վարդակին միացրեք ուրիշ բան՝ լիցքավորիչ, սեղանի լամպ, ֆեն։ Աշխատու՞մ է։ Եթե ոչ, խնդիրը վարդակի կամ գծի մեջ է, ոչ թե սառնարանի։
2. Ավտոմատները վահանակում։ Նայեք՝ որևէ ավտոմատ ցած չի՞ ընկել։ Խոհանոցի գիծը հաճախ ընդհանուր է սառնարանի, միկրոալիքայինի և էլեկտրական թեյնիկի հետ, և գերբեռնվածությունից ավտոմատը կտրում է։
3. Երկարացման լարը (удлинитель)։ Սառնարանը երկարացման լարով միացնելը թույլ լուծում է՝ նրանք հաճախ վառվում կամ վատ կոնտակտ ունեն։ Միացրեք ուղիղ վարդակին։
4. Սառնարանի լարն ու հաստոցը։ Զննեք ամբողջ երկարությամբ. կտրվածք, ջարդված մեկուսացում, հալված հաստոց, մուգ հետքեր։ Հետևի պատին լարը հաճախ մաշվում է սառնարանը տեղից շարժելիս։
5. Դռան կոճակը (եթե միայն լամպն է չվառվում)։ Կարևոր տարբերակում. եթե լամպը չի վառվում, բայց սառնարանը սառեցնում է և կոմպրեսորը լսվում է, ուրեմն սառնարանն աշխատում է, և պարզապես լամպը կամ դռան կոճակն է անսարք։ Դա ոչ շտապ, էժան աշխատանք է։
Եթե այս հինգից որևէ մեկը գտավ պատճառը՝ շնորհավորում ենք, վարպետի կարիք չկա։
Եթե սնուցումը կարգին է
Խնդիրը դռան փեղկում ու լարերի հանգույցում
Դռան ծխնիների մոտ անցնող լարերը հազարավոր բացում-փակումից կտրվում են։ Նշանը՝ դուռը որոշակի դիրքում շարժելիս լամպը թարթում է կամ ցուցատախտակը կենդանանում է վայրկյանով։ Աշխատանքը պարզ է՝ լարերի վերականգնում։
Ջերմային պաշտպանիչը կամ գործարկման ռելեն
Եթե լամպը վառվում է, դիսփլեյը լույս է տալիս, բայց կոմպրեսորը լրիվ լռում է, սնուցումը գալիս է, և խնդիրը հենց կոմպրեսորի գործարկման օղակում է։ Հաճախ վառված ռելեն է՝ 15 000 ֏-ից։
Եթե սառնարանը միանում է և վայրկյանների հաշվով անջատվում, դա այլ ախտանիշ է՝ առանձին նյութ ունենք այդ մասին՝ Սառնարանը հաճախ միանում-անջատվում է։
Թերմոստատը
Մեխանիկական սառնարաններում կտրված թերմոստատը ուղղակի չի փակում շղթան, և կոմպրեսորը երբեք չի միանում։ Ստուգվում է թեստերով 2 րոպեում։ Փոխարինումը՝ 15 000 ֏-ից։
Կառավարման պլատան
Էլեկտրոնային մոդելներում՝ վառված սնուցման բլոկ, ուռած կոնդենսատորներ, այրված հետք պլատայի վրա։ Հաճախ պատճառը լարման տատանումն է կամ ամպրոպն է։ Վերանորոգումը՝ 20 000 ֏-ից։
Ինվերտորային կոմպրեսորի մոդուլը
Նոր ինվերտորային սառնարաններում կոմպրեսորը կառավարվում է առանձին մոդուլով։ Երբ այն վառվում է, սառնարանը լրիվ լռում է, բայց ցուցատախտակը կարող է նորմալ աշխատել։
Ինչ անել ապրանքների հետ
Չբացված սառնարանը 4–6 ժամ պահում է սառը։ Սառցախցիկը լիքը վիճակում՝ մինչև 24 ժամ, կիսադատարկը՝ 10–12։ Ուստի ամենախելացի բանը՝ մի բացեք դուռը, մինչև վարպետը գա։ Իսկ միսն ու ձուկը շտապ տեղափոխեք կամ եփեք։
Եվ ևս մեկ բան՝ մի փորձեք սառնարանը «վերագործարկել»՝ անընդհատ հանելով ու միացնելով վարդակին։ Կոմպրեսորին պետք է առնվազն 5–10 րոպե դադար՝ ֆրեոնի ճնշումը հավասարվելու համար։ Կարճ ընդմիջումներով միացնելը վնասում է շարժիչը։
Կապակցված՝ Սառնարանը չի սառեցնում · Սառնարանից ջուր է հոսում։
Սառնարանը մարա՞ծ է։ Զանգեք 095 79 79 45 կամ գրեք WhatsApp/Viber-ով՝ նշելով մակնիշն ու տարիքը։ Այց և ախտորոշում՝ 5 000 ֏, որը վերանորոգման դեպքում հաշվվում է աշխատանքի արժեքի մեջ։ Ավելին՝ Սառնարանների վերանորոգում Երևանում։
