Մեքենան կանգնել է, ծվծվում է, իսկ էկրանին ինչ-որ անհասկանալի բան է՝ 4E, OE, F05… Լավ է, որ ժամանակակից մեքենաները գոնե ասում են, թե ինչից են դժգոհ։ Մնում է հասկանալ նրանց լեզուն։
Ստորև ամենահաճախ հանդիպող կոդերն են այն մակնիշների համար, որոնք Հայաստանում ամենաշատն են։
Կարևոր է. նույն մակնիշի տարբեր սերիաներում կոդերը կարող են մի քիչ տարբերվել։ Ճշգրիտ ցանկը ձեր մոդելի գրքույկում է։ Այս աղյուսակները ուղեցույց են, ոչ թե վերջնական ախտորոշում։
Samsung
| Կոդ | Ինչ է նշանակում | Ինչ ստուգել |
|---|---|---|
| 4E, 4C | Ջուրը չի լցվում | Ծորակը բա՞ց է, ջուր կա՞, խողովակը ծալված չէ՞, մուտքի ցանցը մաքու՞ր է |
| 5E, 5C | Ջուրը չի դատարկվում | Ֆիլտր, դատարկման խողովակ, կոյուղի |
| dE, dC | Դուռը փակ չէ | Շոր չի՞ մնացել դռան արանքում. եթե ոչ՝ կողպեքն է |
| UE, Ub | Անհավասարակշռություն | Շորերը բաժանեք թմբուկում, ավելացրեք կամ պակասեցրեք |
| HE, HC | Ջուրը չի տաքանում | Տաքացուցիչ կամ տվիչ՝ վարպետ |
| LE, LC | Ջրի արտահոսք | Ֆիլտրը ամու՞ր է փակված, խողովակը բարձրու՞մ է |
| 3E, 3C | Մոտորի խնդիր | Գերբեռնված չէ՞. եթե ոչ՝ վարպետ |
LG
| Կոդ | Ինչ է նշանակում | Ինչ ստուգել |
|---|---|---|
| IE | Ջուրը չի լցվում | Ծորակ, ճնշում, մուտքի ցանց |
| OE | Ջուրը չի դատարկվում | Ֆիլտր, խողովակ, պոմպ |
| dE | Դուռ | Փակեք ամուր. եթե կրկնվում է՝ կողպեք |
| UE | Անհավասարակշռություն | Վերաբաշխեք լվացքը |
| tE | Ջերմաստիճանի տվիչ | Վարպետ |
| LE | Մոտորը արգելափակված է | Անջատեք 30 րոպե, քիչ լցրեք. կրկնվելու դեպքում՝ վարպետ |
| PE | Ջրի մակարդակի տվիչ | Վարպետ |
| FE | Ջուրը գերլցվում է | Փակեք ծորակը, զանգեք վարպետի |
Bosch / Siemens
| Կոդ | Ինչ է նշանակում | Ինչ ստուգել |
|---|---|---|
| E17, F17 | Ջուրը դանդաղ է լցվում | Ծորակ, ճնշում, մուտքի ցանց |
| E18, F18 | Ջուրը չի դատարկվում | Ֆիլտր, պոմպ, խողովակ |
| E23, F23 | Արտահոսք (Aquastop) | Փակեք ջուրը, զանգեք վարպետի |
| F21, E21 | Թմբուկը չի պտտվում | Մոտոր, խոզանակներ, պլատա՝ վարպետ |
| F16 | Դուռը փակ չէ | Փակեք մինչև «չրթ» |
| F19 | Ջուրը չի տաքանում | Տաքացուցիչ՝ վարպետ |
Indesit / Ariston
Առանց էկրանի մոդելներում կոդը ցուցադրվում է լամպերի թարթումով։ Էկրանով մոդելներում՝
| Կոդ | Ինչ է նշանակում | Ինչ ստուգել |
|---|---|---|
| H2O | Ջուրը չի լցվում | Ծորակ, խողովակ, ճնշում |
| F05 | Ջուրը չի դատարկվում | Ֆիլտր, պոմպ |
| F08 | Տաքացուցիչի խնդիր | Վարպետ |
| F01, F02 | Մոտորի շղթա | Վարպետ |
| F17, door | Դուռ | Փակեք ամուր. կողպեք |
| F09, F18 | Պլատայի/ծրագրի սխալ | Վարպետ |
Առաջին օգնություն ցանկացած կոդի դեպքում
- Անջատեք մեքենան վարդակից 10–15 րոպե, հետո միացրեք։ Լարման տատանումներից հետո էլեկտրոնիկան երբեմն ուղղակի «կախում է», և սա օգնում է։
- Եթե կոդը ջրի լցվելու մասին է, նայեք՝ տանը ջուր կա՞։ Երևանի որոշ թաղամասերում ճնշումը օրվա ընթացքում ընկնում է, և մեքենան հենց դրանից է բողոքում։
- Եթե ջրի դատարկման մասին է՝ մաքրեք ֆիլտրը։ Քայլ առ քայլ նկարագրել ենք այստեղ։
- Կոդը կրկնվու՞մ է։ Նկարեք էկրանը և զանգեք։
Ո՞ր կոդերի դեպքում ինքներդ ոչինչ մի՛ արեք
Ջրի արտահոսք (LE/LC, E23, FE), տաքացուցիչ (HE, F08, F19), մոտոր (3E, LE, F21, F01) և պլատայի սխալներ։ Այստեղ գործ ունեք հոսանքի և ջրի հետ միաժամանակ։ Փակեք ջրի ծորակը, անջատեք մեքենան վարդակից և կանչեք վարպետ։
Էկրանին կոդ է, և չգիտե՞ք ինչ անել։ Նկարեք և ուղարկեք WhatsApp/Viber-ով կամ զանգեք 033 13 03 71։ Կասենք՝ ինչ է նշանակում, և կգանք նույն օրը կամ ձեզ հարմար ժամին։ Ավելին՝ Լվացքի մեքենաների վերանորոգում։
